ሰበር ዜና፣ ከስምንት ወር በፊት ለተለያዩ ስልጠናዎች ወደ ደቡብ ኮርያ ከመጡት 59 ኢትዮጵያዊያን መካከል 38 ኢትዮጵያዊያን የኮርያን መንግስት ጥገኝነት ጠየቁ….. ከነዚህ ኢትዮጵያዊያን መካከል ኣንዳንዶቹ በሲቪል ሰርቪስ፣ በባንክ ፣ በግብረ ሰናይ ድርጅቶች፣ በተለያዩ ፋብሪካዎችና በኢትዮጵያ ኢንቨስትመንት ኤጀንሲ የሚሰሩ ነበሩ። ጥገኝነት ከጠየቁት መካከል ኣንዱ የኣዲስ ኣበባ ፖሊስ ባልደረባ መሆኑም ታውቋል።
እነዚህ ብዛት ያላቸው ኢትዮጵያዊያን ላለፉት ስምንት ወራት በኮርያ መንግስት የተዘጋጀላቸውን ስልጠናዎች ሲከታተሉ የቆዩ ሲሆን የሙያ ስልጠናውን ከጨረሱ በሁዋላ ጥገኝነት ለመጠየቅ መወሰናቸውን ኣሳውቀዋል። ጥገኝነት ለመጠየቅ ያበቃቸውን ነገር ሲገልጹ በኢትዮጵያ ውስጥ ያለውን የሰባዊ መብት ጥሰት በመቃወም፣ በግላቸው በሚሰሩባቸው መስሪያ ቤቶች የመንግስት ኣካላት ባደረሱባቸው በደል ምክንያት መሆኑን ገልጸዋል።
እነዚህ ወገኖች በኣሁኑ ሰኣት ፒናን በተሰኘ የመጠለያ ጣቢያ የሚገኙ ሲሆን በኮርያ ቆይታቸው ሃገራቸውን ከኣምባገነን ኣገዛዝ ለማላቀቅ ከሚታገሉ ሃቀኛ ድርጅቶች ጋር ኣብረው በቆራጥነት ለመታገል መወሰናቸውን በኣንድ ድምጽ ገልጸዋል። ስለተሰጣቸው ስልጠና የኮርያን መንግስት ኣመስግነው ወደፊት ለሚያደርጉት የነጻነት ትግል የኮርያ መንግስት ድጋፍ እንደማይለያቸው ተስፋቸውን ገልጸዋል።
ተጨማሪ መረጃ ለሚሹ ወገኖች ከጥገኝነት ጠያቂዎቹ መካከል የቡድኑን ተወካዩች በስልክ መግኘት ይቻላል።
ሲሳይ ወልደግብሬል 821059503443 ቶማስ ኣሻሜ 821059506511 ኣልዓዛር ስዩም 821059503443
ከኣክብሮት ጋር ገለታው ዘለቀ
Related articles
- ኢትዮጵያ ከቦትስዋናው በተጨማሪ ባለፈው በ አዲስ አበባ ስታዲየም ደበቡ አፍሪካን በያሸነፈችበት ነጥብ ሊቀነስባት ይገባል በማለት የደቡብ አፍሪካ ሚዲያዎች ጥያቄ እያቀረቡ ነው።Bafana on the brink as Ethiopia may lose more points (addis12.wordpress.com)
